За тренингот
Асертивност е значајна личносна вештина , основна за комуникација. Асертивното однесување подразбира самоувереност и самоодговорност во своето произнесување, без да се биде агресивен. Неасертивните типови на однесување се нефункционални и носат кон попреченост во разбирањето, произнесувањето, блокади, фрустрации, конфликти.
Индивидуата која се однесува асертивно има моќ да се здобие со почит од другите, постигне личен и професионален развој и остварување на своите потенцијали. Концептот се базира на верување дека нашите желби и потреби се важни , но не поважни од желбите и потребите на другите. Ориентацијата е на себепочитување и почитување на другите.
Теми кои се обработуваат на тренингот:
1
На тренингот се изучуваат различните стилови на комуникација. Се прави разлика помеѓу агресивно, асертивно, пасивно и агресивно-пасивно однесување како типови на однесување во меѓучовечките релации како и осврт на причините и последиците на неасертивните однесувања.
2
Се изучува препознавање и избегнување на манипулација, асертивно справување со конфликти, примање и давање критика, асертивно упатување и прифаќање на позитивно мислење.
Цели и придобивки
Цели и придобивки од тренингот:
Сведоштва
Ова се искуствата на дел од учесниците на Асертивниот тренинг:
Фасцинантно ми е дека зависно од тоа дали сме тим 'агресивни' или 'пасивни' кога се работи за конфликтна ситуација, ќе имаме различни увиди од асертивниот тренинг. Оној кој не знае да прифати НЕ, ќе сфати дека секој има право на тоа. За мене ABC техниката реши голем дел од "puzzle"-от. Сите имаме верувања и внатрешни гласови (кои не се ништо повеќе од надворешните гласови на најблиските неколку луѓе со кои сме биле опкружени додека сме растеле), и имаме избор да ги смениме, АКО не ни служат.
Елена Ристоманов
Сопственик на Zia
Драга Варвара, драги сите, голема благодарност за тренингот и споделеното знаење на сите, исто така и за присуството. Одличен беше тренингот за асертивност и ти како предавач. Лично за тебе, не само за овој тренинг можам да кажам дека тоа што најмногу ми се допаѓа е дека се чувствува дека уживаш во тоа што го работиш, и штом уживаш секој пат го даваш најдоброто од себе, па како резултат сите ние сме задоволни. Тренингот за асертивност ми покажа дека се е можно во животот, секакви ситуации, состојби и дека ништо не е невозможно, и ништо не мора или не треба освен тоа што ние самите сметаме дека за нас е најдобро, секако при тоа водејќи сметка за околината и луѓето околу нас.
Ирена Поповска
Асертивноста ми помогна да застанам за себе, да зборувам и да го кажам моето мислење кога чувствувам дека имам нешто да кажам, да преговарам за подобри услови, да се договарам ефективно или да спречам манипулација или злоупотреба на мојата добра волја. Сето тоа на вистински начин, со почитување на животната средина.
Марсела Зафирова
Драга Варвара, би сакала да го споделам моето задоволство и личното новоспознавање од секој твој корисен тренинг. Асертивниот тренинг посебно и помогна во спознавање на сите права кои ги има секоја индивидуа, вложување на голема самоодговорност за секоја постапка и делување кон себе и кон луѓето кои не опкружуваат, и како асертивно да пристапиме во решавање на некој проблем или ситуација почитувајќи и притоа не загрозувајќи го своето, но и правото на другиот. Сите треба да инвестираат во својот личен развој! Ти благодарам од се срце!
Марија Тренеска
Професор по Германски и Чешки јазик
Би го опишала како техника за конструктивна комуникација и начин да го изразите тоа што ви пречи кај другите без да ги навредите , но и да ги охрабрите за тоа што ви се допаѓа. Особено е корисна за разрешување конфликти и поставување граници кога некој се однесува некоректно со вас. Кога луѓето на помлади години би го совладале, сигурно би ги постигнувале своите цели на полесен начин.
Јулија Вецовска
Ко-сопственик на Солопром
