ЗА НАС

ПОТЕНЦИЈАЛ-В

Центар за самоактуализација

Центарот за самоактуализација ПОТЕНЦИЈАЛ-В се бави со психотерапија, психолошко советување, психолошки тренинзи и работилници, психолошко тестирање, корпоративни тренинзи за лидерство, корпоративен коучинг за менаџери и вработени, од 2017 година , во Скопје.

Инспирирани од учењата на Голдштајн, Роџерс, Јунг, Маслов, веруваме дека самоактуализацијата е вроден, универзален мотив и сите други мотиви произлегуваат од овој основен мотив, со единствена цел , за колку што е можно поцелосно остварување на потенцијалите. Иако станува збор за вродена и неизбежна тенденција за самоактуализација на потенцијалите, срединските услови може да имаат олеснително или отежнувачко влијание.

Развојот може да биде поттикнат или попречен. Додека за некој остварување на потенцијалите значи максимална посветеност на семејството и себеостварување преку успехот на децата, за друг тоа е професионалната компетентност и успех, за трет градењето значајни и цврсти социјални релации.

ПОТЕНЦИЈАЛ-В

Наша визија и мисија

Визија

Нашата визија е зголемување на свесноста за сопствените потенцијали, сили, можности на секоја индивидуа, преку охрабрување, емпатија и поддржување на луѓето да работат на себезапознавање, остварување на контакт со себе си, промовирање личен раст и развој

Мисија

Нашата мисија е обезбедување поддржувачка, сигурна терапевтска средина, во која се чувства клиентот безбедно и охрабрено да го запознава и споделува својот внатрешен свет поврзан со минатото, сегашноста и аспирациите за иднината, ги менува концептите кои се препрека за остварување на потенцијалите.

ПОТЕНЦИЈАЛ-В

Целта на центарот

За таа цел, основната дејност на Центарот за самоактуализација “ПОТЕНЦИЈАЛ – В” ДООЕЛ е преку психотерапија, бројни и разновидни психолошки работилници, тренинзи како и коучинг програми , создавање услови за помагање на клиентите во постигнувањето целовитост и врамнотеженост на психата, која е основна животна задача на секоја личност. Луѓето поседуваат потенцијал да бидат свесни за целокупното искуство и за сите свои доживувања, но тоа подразбира отвореност и приемливост.

Интеграцијата на системско-семејна психотерапија, емоционално фокусирана психотерапија и когнитивно- бихејвиорален пристап

Преку интеграцијата на системско-семејна психотерапија, емоционално фокусирана психотерапија и когнитивно- бихејвиоралниот пристап, создаваме нови корективни емоционални искуства кои го поттикнуваат развојот во поцелосна функционална личност.Во сигурна средина и со поддршка, се овозможува истражување и отстранување на препреките кои го блокираат природниот развој и реализирање на квалитети кои личноста ги поседува.

Aвтоген тренинг без автосугестија

Значајна психотерапевска техника која го превенира и совладува стресот и отвара простор за личниот раст и развој, е автогениот тренинг без автосугестија, основно и напредно ниво. Оваа бихејвиорална, релаксациона, активна техника помага во ослободување од наталожена психолошка и физиолошка тензија. Го унапредува и одржува психофизичкото здравје, превенира и лекува болести.

Tренинг за асертивна комуникација

Насоченост кон остварување на своите потенцијали се подржува и со тренингот за асертивна комуникација, со кој се постигнува зголемено себепочитување кое доведува до моќ да се здобие и почит од другите, зголемена самодоверба, унапредени интерперсонални релации и насоченост кон остварување на своите потенцијали.

Tренинг за емоционална интелигенција

Спознавањето на сопствениот емоционален свет, управување со емоциите развој на емпатија и разбирање на емоциите кај другите, се работат на тренингот за емоционална интелигенција.

Справувањето со анксиозноста

Справувањето со анксиозноста е сет од работилници, со кои се постигнува намалување или елиминирање на физиолошки симптоми, субјективни интерпретации и начин на однесување кои ја одржуваат состојбата на стравување и грижа.

Закон на Битието

Закон на Битието, е единствена и уникатна индивидуална програма за личен раст и развој.Со многу алатки, е витална подршка на учесникот на програмата, во развој на сопствените потенцијали.Преку зголемување на свесноста, до поголемо задоволство, во секој аспект од животот.

ПОТЕНЦИЈАЛ-В

За мене

Основач и управител на Центарот за самоактуализација ”ПОТЕНЦИЈАЛ-В” ДООЕЛ Скопје е Варвара Стојановска Чукиќ.Варвара има завршено Економски факултет при Универзитетот “Кирил и Методиј”, Скопје и 14 годишно работно искуство во областа на сметководство и финансии, со последна работна позиција - финансов раководител. Кон крајот на 2009 година, одлучува да ја промени професијата.

Се запишува на Институт по психологија при Универзитетот “ Кирил и Методиј ”, Филозофски факултет, Скопје на отсекот Личност и советување, на кој магистрира во 2014 година на тема “ Поврзаност меѓу перцепираните родителски стилови и одделни аспекти на самоактуализација кај студенти”.Почнува со едукации од областа на психотерапија, како Интегративна психотерапија и личен развој, Системска и семејна психотерапија, Когнитив- бихејвиор психотерапија. Сите ги завршува успешно. Се стекнува со европски сертификат за системски и семеен терапевт (ЕСР). Едукацијата од системска и семејна психотерапија ја завршува во Институтот за системска и семејна пракса “Алтернатива” Скопје.

Завршува и обука од Психодијагностика при Институтот за системска и семејна пракса “Алтернатива” Скопје.Во мегувреме, завршува тренинг за корпоративен и личен раст и развој (CPC) во iPEC, USA во Лондон. Во рамките на коучинг програмата се здобива со сертификат за мастер тренер за Енергетско лидерство во компании (ELI-MP). Има посетувано бројни работилници од психодрама. Се обучува и за тренер за автоген тренинг без автосугестија, асертивен тренинг – комуникациска вештина , емоционална интелигенција и станува тренер на тренери за наведените обуки.

Во 2018 година дипломира и на Факултетот по психологија при Мегународниот Славјански Универзитет “Г.Р.Державин” Св.Николе, на тема ”Асертивноста како психолошки конструкт во социјалната интеракција”. Мај, 2020 година, се стекнува со Општа лиценца за вршење на психолошка дејност од Комора на психолози на РСМ. 2021 година, се насочува на Емоционално фокусирана терапија за парови (EFCT), и Емотивно фокусирана индивидуална терапија (EFIT). Ја завршува и денес работи Емоционално фокусирана терапија , индивидуално, за парови и семејства, под супервизија. Член е на Секцијата за индустриско организациска психологија и член на Етички одбор при Комора на психолози на Р.С.Македонија. Денес, активно работи индивидуална и групна психотерапија поткрепена со разновидните психотерапевтски правци , индивидуални и групни психолошки работилници и тренинзи во различни сетинзи, психодијагностика, корпоративни програми за професионален развој и лидерство во Центарот за самоактуализација “ ПОТЕНЦИЈАЛ-В” Скопје.

Личен психолошки осврт на професионалната промена

Есен 2009 година, беше пресвртница во мојот професионален живот. Се прашував, дали сакам да продолжам со работата која ја имав и ако продолжам, како се гледам себе си после 20 години. Јасно ми беше дека ми треба промена. Наместо бројки, почнаа да ме интересираат какви се меѓучовечките односи во компанијата и кои се личните и тимски последици од тие односи, како да се комуницираат проблемите, дали конфликтот е потребен, што ми се допаѓа во лидерството, кој тип на менаџирање е дестимулативен, какви се можностите за зголемување на продуктивноста и што да се превземе за мотивација на вработените, дали некој се интересира за психолошката состојба на вработените.

Се прашував што јас сакам, каде се гледам себе си, што ќе придонесе за моја реализација на талентите. Кога сватив дека мојот интерес е психологијата, го сметив патот. Насочувањето на себе и остварувањето на контакт со себе си, ми даде сигурност и верба дека чекорам по правиот пат. Се запишав на постдипломски студии по психолгија и продолжив во развивање на својот талент кој го открив на свои четириесети години.

Подоцна, во текот на едукацијата, разбрав, дека сум одбрала да одам по патот на себереализирање и индивидуализирање, процес кој почнува во втората половина од животниот век, според Јунг, кога се прави ретроспектива на тоа што е поминато, што е реализирано и кон што се цели во иднината.

ПОТЕНЦИЈАЛ-В

Дипломи и сертификати

"Основна тенденција, основниот мотив на организмот е кон самоактуализација, кон развој на потенцијалите."

К.Роџерс

Контактирајте не

Подготвени сте да започнете? Закажете консултација денес и дозволете ни да ве водиме кон раст што трае!

Контактирајте не